ЗдравјеМентално Здравје

Неколку совети за полесно справување со анксиозноста

Анксиозноста е дел од животот на секој од нас. Од време на време се соочуваме со ситуации кои нè вознемируваат повеќе од вообичаено, и треба да пронајдеме начини на дејствување како би ги смириле нашите емоции. Во случај да симптомите на анксиозноста стануваат почести, и не можеме да се справиме со нив, треба да се побара стручна помош.

Прочитајте повеќе за типовите и симптомите на анксиозноста на следниот линк: Анксиозни нарушувања

1. Вежбајте

Не мора да се спремате за Олимпијада. Доволно е 10 минутно пешачење во природа, кое може да делува како лек против главоболка, а доколку го применувате барем три пати неделно, со сигурност ќе делувате на намалување на симптомите на анксиозност.

2. Обидете се да бидете што повеќе на отворен простор

Присуството на некое собно растение во просторот, слика со мотиви од природата, може да делува на Вашето расположение, намалување на стресот, анксиозноста и бесот. Но, секако дека е подобро да се излезе надвор, доколку имате можност, пространиот простор околу Вас ќе делува на Вашето добро расположение. Симптомите на анксиозноста, како покачен крвен притисок, забрзана работа на срцето, вкочанетост на мускулатурата и покачените стрес хормони, ќе се намалат.

3. Бавете се со градинарство

Излезете и извалкајте си ги рацете во дворот. Средување на градината, цвеќињата, зеленилото, го поттикнува ослободувањето на хемиски супстанции во мозокот кои го подобруваат расположението. И да немате услови за градина, најдете начин да се окупирате со грижа околу некои билки.

4. Секс

Кога сте анксиозни, сексот е веројатно последното нешто што Ви паѓа на памет. Но, здравиот сексуален живот, особено со посветен и постојан партнер, води кон поздрав и посреќен живот. За анксиозноста – опасен противник – да ја држи подалеку од Вас.

5. Медитација

Ова е еден од начините да ги намалите Вашите грижи до степен на лесно справување со нив. Медитацијата помага да научите правилно дишење, односно да се фокусирате на него, и мозокот да се исчисти од мислите. Кога некога загрижувачка мисла ќе сака да се протне, ќе знаете како веднаш да ја отстраните и мозокот да Ви остане чист.

6. Јога

Јогата е форма на медитација, која помага за зајакнување на телото, истегнување на мускулите и другите ткива. Во исто време, се контролира и дишењето. Се намалува работата на срцето и крвниот притисок, и се намалува чувството на анксиозност. Но, мора да бидете претпазливи доколку боледувате од некои хронични болести, за кои мора да се консултирате со Вашиот лекар.

7. Акупунктура

Може да Ве релаксира, но, ако не се плашите од убодот на иглите. Акупунктурата се изведува со помош на многу мали игли, кои се поставуваат на одредени точки на телото. Понекогаш се комбинира со примена на електро-стимулација за намалување на напнатоста на нервите и мускулите.

8. Ароматерапија

Мирисот на лаванда, камилица, ружина вода, делува смирувачки. Концентрираните масла од овие билки може да се вдишуваат или да се втријат на кожата. Според научниците, овие мириси предизвикуваат хемиска реакција во мозокот, која придонесува за добро расположението и позитивни емоции.

9. Масажа

Физиотерапевтите може да применат различни типови на масажа, при која се применуваат различни техники – со раце, прсти, подлактици, лакти, а понекогаш дури и со нозе. Сите овие активности ја намалуваат болката во мускулите и другите ткива, а помагаат и во намалување на стресот и анксиозноста.

10. Biofeedback – Мониторирање на активностите на мозокот при терапија

Обучен и искусен терапевт Ве тера да ги откриете причините кои Ве прават анксиозни, додека компјутерот ги регистрира мозочните бранови. Со терапевтот учите да применувате стратегии за смирување, а резултатите од тоа може да ги следите на компјутерот. Со текот на времето, ова може да Ви помогне  да ја контролирате анксиозноста.

11. Спиење

За време на спиењето, мозокот се обновува, расположението се подобрува, па со самото тоа, анксиозноста се намалува. Одвојте  7 – 9 часа за ритуалите пред спиење, за добар сон и будење секој ден во исто време. Одржувајте пониска собна температура, нека биде затемнета и тивка просторијата во која спиете. Не гледајте телевизија, ниту во телефон пред спиење. Може да помогнат и редовни вежби, кои треба да ги практикувате наутро и попладне. Вечерното вежбање може да Ви го наруши сонот.

12. Ограничете ја количината на алкохол

Неколку пијалоци може да делуваат релаксирачки, но повеќе од потребното, може да Ве направат поанксиозни. Консумирањето на жестоките пијалоци може да се одрази на работата, на семејниот живот, да предизвикаат други здравствени проблеми, покрај анксиозноста. Доволен е еден пијалок на ден за жени, а 2 за мажи.

13. Поставете си приоритети

Направете план за приоритети. Издвојте ги побитните работи кои треба веднаш да бидат завршени, и другите кои може да почекаат. Расчленете ги поголемите обврски на неколку помали задачи и бидете фокусирани на нивното реализирање чекор по чекор. Побарајте помош кога Ви е потребна.

14. Водете дневник

Водењето на дневник може да Ви помогне да ги откриете причините и околностите кои Ве прават анксиозни. Дали се тоа семејни настани? Работата? Училиште? Премногу кофеин? Можеби пак, се случува само кога сте гладни? Кога ќе бидете во ситуација да почувствувате вознемиреност, запишете што сте правеле и сте размислувале во тој, или непосредно пред тој момент. Кога еднаш ќе ги осознаете причините што ја предизвикуваат Вашата анксиозност, ќе можете да преземете активности за справување со истата.

error: