Фитнес

Стриптиз фитнес за совршени женски облини

С Фактор е револуционерен нов вид на фитнес исклучиво за жени. Тој ги обедини јогата, танцот и еротските потези, обезбедува здрав кардио тренинг, како и некои нови трикови во спалната соба. Ги тонифицира мускулите, го зајакнува телото, ја зголемува флексибилноста, го отстранува вишокот тежина и го зголемува нивото на енергија. Во исто време ви ја зајакнува самодовербата и ви обезбедува ново искуство да го доживеете своето тело.

Оваа фитнес дисциплина ја создаде Холивудската актерка Шила Кели позната од серијата “Законот на Лос Анџелес” и “Сестри”, како и филмовите “Синглови” и “Еден убав ден”. Спремајќи се за улогата на стриптиз танчерка во филмот “Танц во Сината Игуана” научи стриперски потези и танц од страна на професионални танчери.

Така дошла до идеја да развие нова фитнес дисциплина со женствени сензуални движења кои ги нагласуваат женските облини, наместо да ги израмни како повеќето други форми на вежбање прилагодени за машкото тело.

Денес Шила е една од најпопуларните фитнес гуруа во Америка. Таа ја основа програмата наречена С фактор која ги освои сите фитнес центри низ САД. Живее во Лос Анџелес, каде што неодамна отвори нов фитнес центар за вежбање на С фактор. Оваа дисциплина има повеќе движења:

Пикасов лак

За што е корисен: Ова движење го отвора градниот кош, што може да ја олесни астмата и другите респираторни тегоби а воедно и благо го масира предниот дел на срцето.

Ова е вежба за пофлексибилен грб и колкови, и за отворањето на карличниот регион. Слободно отфрлената глава го зголемува протокот на крв во мозокот што ги одржува синапсите во целосна функција.

Почетници: Седнете на стапалата и раширете ги колената во ширина на колковите. Десната дланка ставете ја на подот зад себе, околу 30 см од стапалата. Задржете го задникот на стапалата, вдишете и испружете го грбот па исфрлете ги градите пред себе. Потпрете се на десната рака.
Транзиција: Ставете го десниот лакт на подот зад себе, околу 50 см зад стапалата. Дланката е на подот. Потпрете се на лактот, издишете и свиткајте го грбот во лак кон горе, главата назад.

Напредни: Ставете ја десната дланка зад себе, околу 30 см од стапалата. Прстите свртени кон ѕидот зад вас. Вдишете и извијте го грбот, и потпирајќи се на десната рака, подигнете го задникот со стапалата и што повеќе исфрлете ја карлицата напред.

Прикрадување на дивa мачкa

  • Клекнете на подот и седнете на потколениците а рацете испружете ги пред себе на подот.
  • Подигнете ги рацете и колената па десното колено и десната рака движете ги напред.
  • Пред себе колку повеќе можете испружете ја десната рака и десното колено, додека левата рака и колено да останат фиксни.

Совет повеќе: Грбот слободно нека меандрира додека лазите.

Опуштете ги мускулите на грбот и спуштете ја главата.

Дозволете им на лопатките да се креваат и спуштаат до максимална висина и длабочина. Нагласете го движењето.

 

 

Н.Н.

error: