Фитнес

Како да одржите фит тело без да посетувате фитнес центар?

Дури и најрешителните луѓе кои во нивниот секојдневен живот имаат обврска да одат во фитнес центар најмалку еднаш доаѓаат во ситуации кога тие едноставно се спречени да ја извршат својата омилена рутина.

Од друга страна, најголем е бројот на оние, кои од некои нивни причини не сакаат да посетуваат фитнес-центар, но би сакале да имаат затегнато и цврсто тело на кое јасно се гледаат силни мускули.

И двете групи, тогаш би требало да применат вежбање во домашна срединa. Професионалците кои доаѓаат во вакви несекојдневни ситуации, внимателно ги бираат само најефикасните вежби со сопствената тежина.

Во продолжение ви ги откриваме шесте најдобри вежби со кои е можно да имате совршено тело како да вежбате во теретана без напуштање на четирите ѕидови од дома.

СКЛЕКОВИ

Најпозната и најчесто изведена вежба со сопствената тежина за во домашни услови, прва од ваков вид кои не ја пропуштаат спортистите, но ниту најголемите професионалци, кога се оневозможени да одат до теретаната.

Одлична е за мускулите на градите, рацете и рамената и секој може да прави доволен број на повторувања, без разлика дали тоа за некој се 10, за некој 20 или 50 или 100.

Бавна и фокусирана изведба ги прави склековите фантастични.

ПРОПАЃАЊЕ МЕЃУ СТОЛОВИ

Бидејќи пропаѓањето е една од вежбите која и во најдобро опремените сали фактички се врши во својата оригинална верзија со држејќи на раце како единствен контакт со машината, речиси истото може да се направи во средината на куќата.

Потребни се две столици, како реквизити за потпирање.

При спуштање се погодени рацете, градите, па дури и лактовите.

Едноставно треба да се потпирате на задниот дел од столот и единствено на што треба да се внимава е тоа да не се навалувате напред за на болен начин да ги почувствувате ефектите на гравитацијата.

ВЕСЛАЊЕ МЕЃУ СТОЛОВИ

Вежба на која само најголемите мајстори на фитнесот може да се сетат а која е толку едноставна што буквално секој во куќата може да ја направи оваа ефикасна вежба.

За оваа вежба се потребни две столици и солидна цврста метла или шипка со иста дебелина.

Почнете ја оваа вежба легнати на подот под шипката, а потоа повлекувајте се нагоре се додека градите не ви се допрат со шипката.

ДЛАБОКИ КЛЕКНУВАЊА

Практично се прават длабоки клекнувања без оптоварување со тегови, а се изведува за вежбање на мускулите на нозете и за зголемување на капацитет на белите дробови, бидејќи всушност при длабоко клекнување се отвора можноста за максимум длабоки вдишувања.

Држете ги рацете на колковите и вдишувајте при спуштање, а издишете пред да се спуштите тотално долу .

При секое подигнување нагоре, ќе почувствувате изненадувачки силна напумпаност во бутовите.

КРЕВАЊЕ НА ПРСТИ

Уште една од вежбите која дури ниту најсовремена опрема во салата не успеа да ја усоврши.

Единствената разлика помеѓу вежбањето на машина во сала и домашната верзија со дебела книга под прстите или на скали или праг е само додавањето на тежина што може да се додаде на машините во теретаната.

Сепак и тоа може да биде премостено преку голем број на повторувања, а 50 повторувања ќе ги умори и најсилно затегнатите листови.

СТОМАЧНИ ВЕЖБИ

Вежба за стомачниот регион што сите многу добро ја знаеме. Лежејќи со свиткани колена и стапалата на земја, само треба без никаква помош да се подигнете во “фетална позиција”.

Најдобра верзија е со скрстени прсти зад главата, но без влечење на телото и рацете и насилно виткање на вратот.

Така, целата работа треба да ја работат стомачните мускули.

 

Н.Н.

error: