Диети

Совети за успешно спроведување диета

За почеток, ако сакате да ги симнете килограмите, морате внимателно да одберете диета која вам најмногу ви одговара. Но сите диети не функционираат еднакво кај сите луѓе.

Прв знак дека диетата не е добра за вас е постојаното чувство на глад. Тоа значи дека сте одбрале премногу скромно мени кое порано или подоцна ќе ве натера да потклекнете и да ја прекршите диетата.

Како успешно да се држи диета и да се симнат килограмите? Ова не е толку тешко доколку следите неколку упатства кои секогаш можат да се применат.

На пример, рацете постојано мора да ви бидат зафатени со нешто, па на канцелариската забава е препорачливо во едната рака да држите чаша, а во другата, чантата за да не посегнувате постојано по грицките.

Не заборавајте да пиете доста течности и да јадетe овошје и зеленчук што содржат вода, а избегнувајте газирани пијалоци, бело брашно, мастики за џвакање без шеќер и маснотии.

Забите измијте ги веднаш после вечерата за вкусот на забната паста да ве потсети дека за тој ден сте завршиле со јадењето.

Ако одите на подолг или на пократок пат или пак секое утро долго патувате до работа, појадокот нека ви биде богат со протеини и растителни влакна кои ќе го одржат чувството на ситост, а избегнувајте да купувате грицки „за секој случај“.

И за крај, најважниот совет – одберете достижни цели кои ќе ве мотивираат да продолжите, како на пример, еден изгубен килограм дневно. Секоја недостижна цел ќе ве врати на старите навики.

 

 

Н.Н.

error: